Ek Ladka Doob Gya tha

Posted by Jitan Kaundal
November 17, 2017

NOTE: This post has been self-published by the author. Anyone can write on Youth Ki Awaaz.

Aaj Shaam main nadi kinare gya tha..

Aksar Sunsaan rehta tha jo Ghaat aaj vahan ek Daroga bhi tha…

 

Ek Sardar ji bhi the jinhone Scooter thoda peeche lagaane ko kaha…

 

Awaaz me Vinamrta aur ek Dard tha.

Paas aakr bole “beta bura mat maan na.. Yahanabhi ek ladka dooba hai”…

 

Main Hawan ki Samagri Pravahit karne aaya tha.

Zada Sawal nahi puche aur nadi ke paas chala gya…

 

Peeche se fir Ek awaaz aayi..is bar Daroga the..

Haste hue Kehte “Joote Khol kar Pravahit Karo”..

Main peeche muda joote khole..

Aur aaram se Pravahit karne ke baad upar aagya..

 

Joote pehnte waqt vo dono aapas mein baat kr rhe the..

 

Ek keh rha tha “Bihari tha…”

Ek keh rha tha “Bengali tha…”

 

Ek keh rha tha “nahane aya tha..”

Ek keh rha tha “Durga mata ki murti visarjankarne aya tha..”

 

Ek kehta “Ajnabee tha, samjh nahi thi..fir bhi nadimein utar diya hoga doston ne…”

Ek kehta Ki “Huddang machane walon me setha, Sharat karte waqt dooba hoga…”

 

Ek Meri or ishara kr ke kehta..

“Yeh ladka bhi to aya hai.. Pravahit karne, kitnearam se kiya sab..aur kai log hain jo yahannachne lagg jate hain…”

 

“Ek Kehta kai to yahan Jaam peete hain.. Aurmaal Phukte hain..”

 

Maine joote pehne aur scooter ki or chalne lgaa.. Chup chaap..!

 

Nadi ka Paani bhi aaj shant tha.. Aur pedon kePatte bhi..

 

Mano Sannatta Mujhse puch rha ho

Uske ghar walo ka kya hoga? 

Unhe pta bhi hai ya abhi tak anjan hain?

 

Kyunki Jiske ghar ka chirag bhujta hai..Andhera sirf usi ke chokat ke andar failta hai…

 

 

Youth Ki Awaaz is an open platform where anybody can publish. This post does not necessarily represent the platform's views and opinions.