Hawa me ghulta ye jeher,
de raha chetawani har peher.
Aane wala hai keher,
iska dushman hai har ek sheher.
Pragati ki aandhi me har koi hai soya,
naa jaane kitno ne apno ko khoya.
Aakhir is jeher ka beej kisne boya,
iske aagey insaan ghutne tek kar hai roya.
Koi roko is jeher ko ek pal,
nateeja hai ye, dharti se karne ka chal,
kya isi tarah ham dengey aane wali peedi ko naya kal?
Band karo ye dikhawa,
neeji vahano ko na do or badhava.
Sarvajanik vahan ka karte istemaal,
toh kabhi na aata ye jeherili hawa ka kaal.
Abhi bhi waqt hai sambhal jao,
prakratike niyamo ko samjh jao,
or inke ulanghan ki soch , Bhul jao.
_Laxmi mishra
Roorkee, Uttrakhand