Char logo ka chota sa parivarhai hamara
Bapu, maa, bhaiya aur meri yeh duniya hai
Kehte sab mujhe tu toh laxmi ghar ki hai
Par na jaane maa bapu kyu yeh na sochte hai
Bhaiya maa ki jaan hai
Unke jigar ka tukra voh
Ankhon ka tara hai yeh beta
Beti mein unki hi hoon
Par doodh ka glas bhai ko milta
Dekho maa yahan mein bhukhi hoon
Bapu ki pyari saheli unke haath ka jam hai
Idhar udhar jhoomte
Unko hosh hi kaha ki unka bhi yeh parivar hai
Maa vo hai hum dono ki
Par bhaiya ko milta sara laad hai
Roti khilati, sar sehlati
Maa ka yehi toh pyar hai
Bhukh itni mujhko lagi
Maa ko mein dhoond rahi
Par maa toh bhaiya ko sehla rahi
Beti ko kahe dekh pa rahi
Aakhir haar mein beth gayi
Bazaar ki panni khane lagi
Pet mein maror padh rahe the
Polythene se peet bharne mein lagi
Din beete aab hue mahine
9 saal ki mein hogayi
Aab toh maa mujhko dekhe
Baal banaye mere, sehlaye mujhe
Gudde gudiyo ki kahani vo sunaye
Aaya vo din phir
Jo aaj bhi mujhe jhinjhore
Baapu ke dost the vo
Sharaab peene vo lage
Jam se jam mile bapu aur vo hase
Kuch der ke baad dono yu jhoomne lage
Tu kaun mein kaun iss halat mein vo hue
Uncle ne pakda mujhko
Kia kiwar band
Daar ke mare sehmi mein
Chilau toh aaye kaun
Maa bhaiya ko sehle rahi hogi
Aur bapu sharab mein jhoom raha
Koshish ki bahot
Par har si mein gayi
Gudiya ki tarah mujhko maror
Idhar udhar unhone mujhe giraya
Bistar pe phek
Kapdon ko phada
Bahot royi mein
Par dekho koi na aaya
Pata nahi kya hai vo jo unhone mujhe pakdaya
Pajama khol, thappad mar
Bahot dard mereko pahuchaya
Zakhm itne gehre hai ki aab bhi bharte nahi
Poore sharer pe kaat
Tango ke beech esa dard pahuchaya
Do mahine hone ko aaya yeh khoon band hota nahi
Par dekho aaj bhi koi na aaya
Izzat hai luti
Samman hai ujhra
Kehne sab lage
Maa ko dhoon rahi thi nazre
Padsoi ki masi ne hath pakda
100 number ko phone lagao bol vo uthi
Insaf mein leher ek chali thi
Daroga sahib ko dekh mein jhoom uthi thi
Sharab mein dhut tha vo aadmi
Bapu bhi wese hi the
Maa aab toh aao, mujhko tumhari zaroorat hai
Arey arey yeh toh nashe mein dhut hai
Phone kyu milaya
Yaha hui kya garbar hai
Baat itni si hai
Nasha utre toh bhej dena
Wana bhul jao ki baat koi hui hai
Nashe mein dhut hai yeh
Galti thodi si hui hai
Yeh sun hosh sabke ude hai
Poora gav jo khada mere saath hai
Sar sabke jhuke hai
9 saal ki mein yaha
Najane meri yaha kya koi galti thi?