Kahi door ki puaal ki dhul
Uski ankhe ankahi baate
Raste uske kabhi lambi kabhi chhoti
Kya hua kuchh sochti
Chalti ja rahi zindgi uple ke gol
Ghere me.
Puaal ke dhool me uple milate
Sochti wah
Aise hi mai rishte milati hu
Uple ko sukhate sochti wah
Aise hi to armaan sukhte mere
Uple jab taiyaar hue to aag me dalti
Aise hi to ummeedo ko aag me dalti mai
Uple ke anche me sabki ummeedo ko pakati
Pairo ke payal ko jhunjhunati aur pairo ke nakh se mitti ukerti
Bade aaram se gujarti ja rahi
Auro ki jindgi
Wajah bas wahi hai uple aur mai…..