Mera naam Adarsh hai, main 22 years ka hoon.
Main apne ghar me sabse chota hoon aur bachpan se hi bahut shaitan tha. Din bhar khelna, ghar ke bahar rehna aur sabhi ke sath hasna bahut pasand tha mujhe. Par usi bachpan me jo mere sath hua shayad mujhe pata bhi nahi ki wo kya tha but aaj jab bada hua, tab pata chala ke mera assault hua tha.
Main uss waqt 7-8 saal ka tha. Mere ghar me meri mom ki freind aati thi wo kareeb 35 ki hongi uss waqt. Wo mujhe bahut manti thi, meri taareef bhi karti thi, mere liye khaane ke liye bahut saari cheeje laati thi. Mere mom aur dad ko unpar bahut trust tha. Unke husband nahi the to mere parents ko unse sympathy rahti thi. Wo mujhse bahut pyar se baat karti thi aur meri mom mujhe unke ghar jaane se ya raat me unke yaha rukne ko kabhi mana nahi karti thi.
Uss raat ko aunty ka beta Noida gaya hua tha. Unhone meri mom se bola ki ‘Adarsh ko mere ghar per sula do’. Main bhi khushi khushi khane peene ke lalach me unke sath chala gaya. Unhone mujhe apne paas sula liya. Raat ko kareeb 1 baje meri neend khuli to feel hua main nude tha aur aunty ka hath meri uss jagah par tha jaha nahi hona chahiye tha. Maine unko rokne ki kosish ki but nahi rok paya. Unko jo karna tha wo kar rahi thi aur main kuch nahi kar pa raha tha. Main puri raat so nahi paya aur subah jaldi apne ghar aa gya. Main mom ko ye batane se darr raha tha ki wo mujhi ko galat kahengi but aunty ka toh mano roz ka ho gaya tha.
Unhone koi kasar nahi chori apni hawas mitane ke liye. Jab bhi unhe mauka milta apna hath meri underwear me daal deti. Meri mom se bol kar unhone mujhe apne paas bula kar tution lagwa li. Ab main mom dad ki nazro me to padhne jata tha but waha aunty mere se sex karne ko bolti aur apne parts per hath lagane ko bolti. Mujhe kuch samajh nahi ata tha kya ho raha hai aur main mana karta tha to mujhe marti thi. Pata nahi kyu main kisi ko nahi bata paya. But aaj jab main uss lady ko dekhta hu toh mann karta hai sabko bata dun, usko apne ghar se bhaga dun, bahut ganda feel hota hai. Shayad main ye baat aap logo ko bata ke apna kuch bojh halka kar saku. Ye baat maine apni girlfriend ko bhi batayi hai. Mera confidence level bahut kam ho gaya tha uss incident ki vajah se but meri girlfriend ne mujhe bahut sambhala aur aaj main MBBS student hu aur main achhe se apni padhai kar raha hun. But aaj bhi jab wo baatein yaad aati hai to man thahar jata hai.