Child In Need Institute (CINI), an NGO part of Dasra’s 10to19 Community of Practice, has started an initiative called ‘Creative Lockdown’ wherein adolescents from vulnerable communities are writing poems, stories, etc. On behalf of CINI, we are publishing poems penned down by adolescents who are sharing their thoughts about the lockdown, their hope for the future, and their resilience in the present.
Corona Se Nahi Ghabrana
Milkar nahi milna hai
Chehre se haath nahi lagana hai
Baar-baar ache se haath dhone jaana hai
Sanitise karke desh ko swach banana hai
Bachav hi ilaj hai yehee samajhna hai
Corona se humko nahi ghabrana hai
Saavdhani rakh kar corona ko mitana hai
Desh mein sabhi ko yah kadam uthana hai
-Anita Singh
Panchayat: Chingara Parkidih, Nimdih
Corona Ko Harana Hai
Corona ko harana hai
Hum logo ko ghar par hi rahna hai
Ache se haath dhona hai
Saamanya bhojan karna hai
Koi ghar par aye toh
Namaste hum logo ko bolna hai
Sab ghar par rahe, surakshit rahe
Corona se bina dare, ladte rahe
Yahi sabko samjhna hai
Corona ko darana hai
-Pooja Panda
Panchayat: Heven
Naam Hai Iska Corona
Aayi ek anjaan bimari, naam hai iska corona
Bachna hai toh karo Namaste, shake hand mat karo na
Ghar par raho, bahaar mat jao, desi bhojan ghar ka khao
Haath bhi gande karo na, haat bazar se door raho
Logo se milna bandh karo, kuch hi din ka hai yeh sankat
Uske baad sab mauj karo, naak muh dhak kar niklo
Dur rahega corona
-Moni Mahalo
Panchayat: Heven
Corona Ab Maaf Karo Na
Tabahi ke iss manjar ke dar se, sab khaali sab soona soona
Dur dur tak khaali sadak, waah corona, ab rehne do na
Sabhi dar se sehme hai, yah kaisi aafat aayi hai
Padyushan toh kam hua hai, par hazaaron ne jaan gavayi hai
Maatam pasra hai pure desh mein, manushya abh toh sambhlo
Waah corona, ab rehne do na, pakriti ki izzat karo
Yah baar baar sikhlati hai, abhi bhi waqt hai
Isme kuch sikho na, bachalo iss dharti ko
Yah koi nahi hai khilona, waah corona, ab rehne do na
Hai corona ab maaf karo na
-Juhi
Samuh: Dweep Samuh
Desh Khara Ek Saath
Sunsaan pada hua shahar jo, teri chapet mein aaya hai
Na jaane kab tak barsega, corona ka badal chaya hai
Aao milkar lade iss musibat se, jab tak khatam na karo iss corona ko
Sab milkar madad kare, jo taras rahe hain, unhe raahat do
Saabun, sanitizer saath rakhe, haath dhoyie jitna zaroori ho
Corona ke nivaran mein, humari koi koshish adhuri na ho
Woh jald se jald jaach karaye, jinhe khaasi, zukaam, bukhar ho
Zaroori nahi ki corona patient ho, shayad sadharan tarike se bimaar ho
Agar kaam ho toh hi bahaar niklo, ghar mein rehna hee theek hai
Iss yudh se hum sab mar nahi sakte, yeh humare liye ek seekh hai
Dare nahi, saavdhan rahe, yeh kuch aur dino ki baat hai
Corona kya marega hume, jab desh khara hai ek saath
-Baadal Hota
Panchayat: Banketong
We hope these poems from Jharkhand, by our boys and girls, inspired you to stay at home, follow the guidelines by WHO and other experts and be responsible and safe. Please do share with us your creative lockdown stories.