TW: Rape, graphic violence
Problem yeh hai ki agar koi ladki apne parents ko batati hai ki aaj rastey me usey kisi ladke ne pareshan kiya toh agle din se har jagah uske sath uske papa ya bhai sath jate hai… Pareshan karne wale ka kya hota hai ye toh pata ni, lekin uski aazadi chinn jati hai aur wo kahi bhi akeli ja ni pati.
Problem yeh bhi hai ki har akeli ladki ek shikaar nazar aati h…
Problem ye hai ki kahan ja rahi ho, kya karne ja rahi ho, kya zarurat hai jane ki—yeh sawaal bas betiyon se hi puche jaate hain. Problem yeh hai ki kisiko yeh nahi janna ki aakhir unka beta bahar kyun, kahan aur kisliye ja raha h!
Problem yeh hai ki aapko sirf iss baat ki fikr hai ki aapki beti/behen ka rape ho jayga, lekin iss baat ki chinta nahi hai ki apka beta/bhai kisika rape kar dega.
Problem yeh hai ki complaint likhvane jaao toh police bhi mazey leti h.
Problem yeh hai ki aap har chiz ko politics se jor dete h.
Problem yeh hai ki aap bas candle jalate hain aur bhool jaate hain.
Problem yeh hai ki 6 baje ki time limit bas girls’ hostel me hoti h boys’ mein nahi…
Problem yeh hai ki rok unpe lagti h jinke sath galat hota h, unpe nahi jo galat karte hain.
Problem yeh hai ki hamari skirt thodi si choti kya nahi hojati aapse bardasht nahi hota.
Problem yeh h ki aap sochte hai ki hamare kapde unko provoke kar rahe h…
Problem yeh hai ki aapko ab tak yeh nahi dikh raha ki ladki chahe salwar pehen le, skirt pehen le, ya burkha pehen le, rape toh sab ke saath ho raha hai… Arrey bhai 6 mahine ki bacchi ka bhi ho raha hai!
Problem yeh hai ki apko lagta h ki bahar sath me chale jaiyega toh aapki beti safe hai…
Problem yeh hai ki ap dekh nahi paa rahe hai ki rishtedar apke ghar me aakar bhi aapki beti ka rape kar sakte hain..
Problem yeh hai ki chahe kitni bhi self defence seekh lo, purse me chaku, pepper spray, sab kuch rakh lo, lekin jab 5 log piche se aakr pakad le, jeebh kaat de, rape karke zinda jala de, tab sara saman aur aapka seekha hua self defence sab purse me hi reh jata hai..
Problem yeh hai ki har roz, har ladki ko rastey me chalte hue koi pareshan karta h, badtammizi karta h, chhune ki koshish karta h…
Problem yeh bhi h ki galti ki saza dene mein aapko 12 saal lag jatey hain..
Problem ye h ki hmari lipstick dekh kar apke mann me ye khayal aata h ki ye aapko attract krne k liye h..
Problem yeh hai ki aapko no ka matlab samajh nahi aata hai..
Problem yeh h ki aap pehle hi bata dete hai ki betiyan kamzor h aur unhe bachana hai…
Lekin aapko kya?
Ab toh lagta h ki problem bas yeh h ki hamare paas ek vagina h aur hamein aise hi dar dar kar jeevan bitana h!